விஜய் நடித்த தமிழன் மற்றும் துணிச்சல், டார்ச் லைட் ஆகிய திரைப்படங்களை இயக்கியவர் அப்துல் மஜீத். இப்போது இவர் விமல், யோகிபாபு நடிக்க புது படமொன்றை தயாரித்து, இயக்கி வருகிறார். இந்த படத்திற்கு இன்னும் டைட்டில் வைக்கவில்லை. இன்று உலகமே புரோக்கர் மயமாகி விட்டது. அவற்றில் சில புரோக்கர்கள் தன் சுயநலத்துக்காக வியாபாரத்திலும், தொழில்ரீதியாக மக்களை எப்படியெல்லாம் ஏமாற்றுகின்றனர்.
இதன் காரணமாக மக்கள் எப்படி பாதிக்கப்படுகிறார்கள். அந்த பாதிப்பிலிருந்து கதாநாயகன் மக்களை எப்படி காப்பாற்றுகிறார் என்பதை காமெடி, சென்டிமென்ட, ஆக்ஷன் ரொமான்ஸ் கலந்து ஜனரஞ்ஜகமாக இந்த படம் கூறுகிறது. இப்படத்தில் விமலுக்கு ஜோடியாக சாம்மிகா, ஐஸ்வர்யா தத்தா போன்றோர் நடிக்கின்றனர். அத்துடன் யோகிபாபு, மொட்டை ராஜேந்திரன், ரவிமரியா, எம்.எஸ்.பாஸ்கர், ஜான் விஜய், ஞானசம்பந்தம், பவர்ஸ்டார், சாம்ஸ், நமோ நாராயணன் என பெரிய நட்சத்திர பட்டாளமே இவற்றில் நடிக்கிறது.
இந்த திரைப்படத்தின் பெரும்பகுதி படப்பிடிப்பு சென்னையிலும், அதன் சுற்றுபுறங்களிலும் நடந்து முடிந்துள்ளது. கிளைமாக்ஸ் காட்சியானது வேலூர், ராணிப்பேட்டை பகுதியிலுள்ள அரண்மனை ஆகிய இடத்தில் நடக்க இருக்கிறது. பொங்கலுக்கு இந்த படத்தை வெளியிட திட்டமிட்டுள்ளனர். அதற்கு முன்பாக படத்தின் டைட்டில் மற்றும் பர்ஸ்ட் லுக், ஆடியோ வெளியிடப்பட இருக்கிறது.