விமான பயணிகளுக்கு விதிக்கப்பட்டிருந்த கொரோனா கட்டுப்பாடுகளை இந்திய உள்நாட்டு விமான போக்குவரத்து அமைச்சகம் நீக்கியுள்ளது.
கொரோனா பரவல் காரணமாக விமான பயணிகளுக்கு பல்வேறு கட்டுப்பாடுகள் விதிக்கப்பட்டு இருந்தது. தற்போது இந்த கட்டுப்பாடுகளை இந்திய உள்நாட்டு விமான போக்குவரத்து அமைச்சகம் நீக்கியுள்ளது. அதன்படி பயணிகளுக்கு இடையே இருக்கையில் இடைவெளி வேண்டாம் எனக் கூறப்பட்டிருக்கிறது. இதனால் விமானத்தின் அனைத்து இருக்கைகளிலும் பயணிகள் முன்புபோல் பயணம் செய்ய வழிவகை செய்யப் பட்டிருக்கின்றது.
கொரோனா அச்சம் காரணமாக விமான பணிப்பெண்கள் அதற்குரிய முன்னெச்சரிக்கை பாதுகாப்பு உடைகளை அணிய வேண்டும் என கட்டுப்பாடுகள் விதிக்கப்பட்டு இருந்தது. தற்போது இந்த கட்டுப்பாடுகள் அனைத்தும் நீக்கப்பட்டுள்ளது. இதனால் விமான பணிப்பெண்கள் வழக்கம் போல் தங்களது வண்ண உடைகளில் பணியாற்ற அனுமதிக்கப்பட்டிருக்கிறார். அதுபோல விமான நிலையங்களிலும் பயணிகளை பரிசோதிக்கும் நடைமுறைகளில் விதிக்கப்பட்டிருந்த கட்டுப்பாடுகள் விளக்க படுவதாக அறிவிக்கப் பட்டிருக்கிறது. விமான போக்குவரத்து எளிமையான முறையில் இருக்க கட்டுப்பாடுகள் நீக்கப்படுவதாக கூறப்பட்டுள்ளது.