வருகின்ற மே மாதம் 1ஆம் தேதி முதல் 15-ஆம் தேதி வரை பிரேசில் நாட்டில் 24-வது கோடைகால காதுகேளாதோருக்கான ஒலிம்பிக் போட்டி நடைபெற உள்ளது. இந்த ஒலிம்பிக் போட்டியில் பங்கேற்க தமிழகத்தை சேர்ந்த வீராங்கனைகள்- சமீஹா பர்வீன் (19) (நீளம் தாண்டுதல்), ஜெர்லின் அனிகா(18) (இறகுப்பந்து – தனிநபர்), ஆர்.சினேகா(25) (நீச்சல் -50மீ/100மீ – பின்னோக்கி நீந்துதல்) மற்றும் வீரர்கள் கே.மணிகண்டன்(19) (நீளம்தாண்டுதல் 100 மீட்டர்), பிரித்வி சேகர்(29) (டென்னிஸ்- தனிநபர்), ஆர்.சுதன் (24) (மும்முனை தாண்டுதல்) ஆகிய 6 வீரர், வீராங்கனைகள் தேர்வு செய்யப்பட்டுள்ளனர்.
இந்த நிலையில் ஒலிம்பிக் போட்டியில் கலந்து கொள்ள செல்லும் தமிழகத்தை சேர்ந்த 6 வீரர், வீராங்கனைகளுக்கு விமான கட்டணமாக தலா ரூபாய் 30 ஆயிரம் வழங்கப்படும் என்று தமிழக அரசு அறிவித்துள்ளது. மேலும் வீரர்-வீராங்கனைகள் தொடர்பு கொள்ள ஏதுவாக வாட்ஸ்அப் குரூப் ஏற்படுத்தப்பட்டுள்ளதாகவும் தெரிவிக்கப்பட்டுள்ளது.