கிராண்ட்சிலாம் போட்டிகளில் ஒன்றாகிய விம்பிள்டன் டென்னிஸ் போட்டியானது லண்டன் நகரில் நடந்து வருகிறது. பெண்கள் ஒற்றையர் பிரிவில் நடைபெற்ற 3வது சுற்று ஆட்டம் ஒன்றில் 15வது வரிசையிலுள்ள கெர்பர் (ஜெர்மனி) அதிர்ச்சிகரமாக தோற்றார். 24 ஆம் நிலை வீராங்கனையான எலிஸ்மெர்டன்ஸ் (பெல்ஜியம்) 6-4, 7-5 என்ற நேர் செட் கணக்கில் அவரை வீழ்த்தி 4வது சுற்றுக்கு முன்னேறினார். மற்ற 3வது சுற்றுப்போட்டிகளில் 3-வது வரிசையில் உள்ள ஜபேர் (துனிசியா), கார்சியா (பிரான்ஸ்) போன்றோர் வெற்றி பெற்றனர்.
5 ஆம் நிலை வீராங்கனையான ஷக்காரி (கிரீஸ்) 3வது சுற்றில் அதிர்ச்சிகரமாக தோற்றார். பின் ஆண்கள் ஒற்றையர் பிரிவில் 5ஆம் நிலை வீரரான கார்லோஸ், அல்காரஸ் (ஸ்பெயின்) 3வது சுற்றில் ஜெர்மனியை சேர்ந்த ஆஸ்கர் ஒட்டேவை எதிர்கொண்டார். இவற்றில் அல்காரஸ் 6-3, 6-1, 6-2 என்ற நேர்செட் கணக்கில் வென்று 4 வது சுற்றுக்கு முன்னேறினார். 20வது வரிசையிலுள்ள ஜான்இஸ்னெர் (அமெரிக்கா) 3-வது சுற்றில் அதிர்ச்சிகரமாக வெளியேறிவிட்டார்.