வேளாங்கண்ணி அருகே டிராக்டர் மோதி மொபட் விபத்துக்குள்ளானதில் பெண் பலியான சம்பவம் சோகத்தை ஏற்படுத்தியுள்ளது.
நாகப்பட்டினம் மாவட்டத்தில் உள்ள பொய்கைநல்லூர் பரவை ஓம்சக்தி கோவில் தெருவில் ரவிச்சந்திரன் என்பவர் வசித்து வருகிறார். இவருக்கு அமுதா என்ற மனைவி இருந்தார். இவர் இட்லி வியாபாரம் செய்து வந்துள்ளார். இந்நிலையில் சம்பவத்தன்று அமுதா தனது வீட்டிலிருந்து வழக்கம்போல் வியாபாரத்திற்காக அக்கரைபேட்டை நோக்கி மொபட்டில் வந்து கொண்டிருந்தார்.
அப்போது அங்கு வந்த டிராக்டர் ஒன்று எதிர்பாராதவிதமாக அமுதா ஓட்டி வந்த மொபட்டின் மீது வேகமாக மோதியது. இதில் மொபட்டில் இருந்து அமுதா கீழே விழுந்தார். இதையடுத்து அவர் மீது டிராக்டர் சக்கரம் ஏறியது. அதில் அமுதா சம்பவ இடத்திலேயே பரிதாபமாக உயிரிழந்தார். இந்த சம்பவம் குறித்து வேளாங்கண்ணி காவல்துறையினர் வழக்குப்பதிந்து டிராக்டரை ஓட்டிவந்த டிரைவரை தேடி வருகின்றனர்.