விருமன் திரைப்படத்தின் டிரைலர் வெளியீட்டு விழாவில் இயக்குனர் சங்கர் பேசியது இணையத்தில் வைரலாகி வருகின்றது.
தமிழ் சினிமாவில் பிரபலமான நடிகராக வலம் வரும் கார்த்தி கொம்பன் படத்தை இயக்கிய முத்தையா இயக்கத்தில் தற்போது விருமன் என்ற படத்தில் நடித்துள்ளார். இந்தப் படத்தில் அதிதி சங்கர் ஹீரோயினாக நடிக்க, ராஜ்கிரண், கருணாஸ், பிரகாஷ் ராஜ், சூரி உள்ளிட்டோர் முக்கிய வேடங்களில் நடித்துள்ளனர்.
இந்தப் படத்திற்கு யுவன் சங்கர் ராஜா இசையமைக்க, நடிகர் சூர்யாவின் 2டி நிறுவனம் தயாரித்துள்ளது. மேலும் விருமன் படம் வருகிற ஆகஸ்ட் 12-ஆம் தேதி திரையரங்குகளில் அதிகாரப்பூர்வமாக ரிலீஸ் ஆகும் என்று அறிவிக்கப்பட்டுள்ள நிலையில், படத்தின் டிரைலர் வெளியாகி ரசிகர்களிடையே நல்ல வரவேற்பை பெற்றுள்ளது.
இந்த நிலையில் ட்ரைலர் விழா மதுரையில் நடந்த பொழுது சங்கர் பேசும்பொழுது கூறியுள்ளதாவது, விருமன் படத்தின் கதை எனக்கு தெரியாது, இத்திரைப்படத்தை சூர்யா மற்றும் ஜோதிகா தயாரிக்கின்றார்கள் என கூறினார்கள். அப்போதே எனக்கு நம்பிக்கை வந்து விட்டது.
இவர்கள் தொடர்ந்து நல்ல திரைப்படத்தை எடுத்து வருவதால் என்னுடைய மகளை அறிமுகப்படுத்த சம்மதித்தேன். இயக்குனர் முத்தையாவின் படங்களை நான் பார்த்ததில்லை. ஆனால் அவரது படத்தில் பெண்கள் கதாபாத்திரத்திற்கு நல்ல முக்கியத்துவம் இருக்கும் என கேள்விப்பட்டிருக்கின்றேன். அதனால் என்னுடைய மகளை முத்தையா படத்தில் அறிமுகப்படுத்த சம்மதித்தேன் என கூறியுள்ளார்.