இயக்குனர் வெங்கட் பிரபு தனது டுவிட்டர் பக்கத்தில் வெளியிட்டுள்ள புகைப்படம் ரசிகர்களின் எதிர்பார்ப்பை கிளப்பியுள்ளது.
மங்காத்தா படப்பிடிப்பின் போது விஜய் மற்றும் அஜித்துடன் எடுத்துக் கொண்ட புகைப்படத்தை இயக்குநர் வெங்கட் பிரபு ஷேர் செய்துள்ளார்.மோகன் ராஜா இயக்கத்தில் வேலாயுதம் படத்தில் நடிகர் விஜய் நடித்துக் கொண்டிருந்தபோது அஜித் குமாரின் மங்காத்தா படப்பிடிப்பு தளத்திற்கு சர்ப்ரைசாக வந்தார். அப்போது இயக்குநர் வெங்கட் பிரபு இருவருடனும் இணைந்து ஒரு புகைப்படம் எடுத்தார். இந்த புகைப்படம் ஏற்கனவே வெளியாகி இணையத்தில் வைரலாகி உள்ளது.
இந்நிலையில் என் வாழ்நாளிலேயே மறக்க முடியாத புகைப்படம் என்றால் அது இதுதான்.
இந்த புகைப்படத்தை எடுத்து இன்றுடன் 11 ஆண்டுகள் ஆகிறது என தளபதி விஜய் மற்றும் நடிகர் அஜித் குமாருடன் இருக்கும் புகைப்படத்தை இயக்குநர் வெங்கட் பிரபு தற்போது தனது ட்விட்டர் பக்கத்தில் ஷேர் செய்துள்ளார்.
அஜித்தின் மெஹா ஹிட் படமான ‘மங்கத்தா’ வெளியான சமயத்திலே விஜய், அஜித்தை வைத்து படம் இயக்க ஆசை இருப்பதாக வெளிப்படையாக கூறியிருந்தார் வெங்கட் பிரபு. இந்நிலையில் அவர் தற்போது ட்விட்டரில் ஷேர் செய்துள்ள புகைப்படம் இணையத்தில் வைரலாகி வருகிறது.