சமூகவிழிப்புணர்வை ஏற்படுத்தும் கருப்பொருளை அடிப்படையாகக் கொண்டு உருவாகியிருக்கும் குறும்படம் “வார் ஆன் டிரக்ஸ்”( War On Drugs). இயக்குனர் கே.வி.ஆனந்தின் முன்னாள் இணை இயக்குனரான காகா எழுதி, இயக்கி இருக்கும் இந்த படத்தில் நடிகர் ஆரி அர்ஜுனன் முக்கியமான கதாபாத்திரத்தில் நடித்துள்ளார். இந்த படத்தை ஆர்.கே.ஜி குரூப்பின் ஜி.சந்தோஷ் குமார் தயாரித்து இருக்கிறார். இத்திரைபடத்திற்கு கேபி இசையமைக்க, ஆதித்யா கோவிந்தராஜ் ஒளிப்பதிவு செய்து உள்ளார்.
போதைப்பொருள் பழக்கம் நமது இளைய சமுதாயத்தை முற்றிலுமாக அழித்து கொண்டு இருக்கிறது. போதைப்பழக்கத்தில் சிக்கிக்கொள்பவர்களை மீட்க அரசும், காவல்துறையும் பல்வேறு நடவடிக்கைகளை மேற்கொண்டு வருகிறது. அவற்றில் ஒரு முயற்சியாக போதைப் பொருள் பயன்பாட்டின் கெடுதல்கள் பற்றிய விழிப்புணர்வை ஏற்படுத்தும் வகையில் இந்த குறும்படம் உருவாகி உள்ளது. இந்த குறும்படத்தினை வேலூர் காவல்துறை டி.ஐ.ஜி ஆனி விஜயா. ஐ.பி.எஸ் கே.எஸ். பாலகிருஷ்ணன், பிவிஎஸ்சி மற்றும் ஆர்கேஜி இன்ஃபோடெயின்மெண்ட் இணைந்து வெளியிட்டனர்.