குப்பைகளை பொது இடங்களிலில் கொட்டுவதை தடுக்க மக்களுக்கு விழிப்புணர்வை ஏற்படுத்த வேண்டும் என சமூக ஆர்வலர்கள் கோரிக்கை விடுத்துள்ளனர்.
கோயம்புத்தூர் மாவட்டத்தில் உள்ள வேலாண்டிபாளையம் பகுதியில் புற்றுக்கண் மாரியம்மன் கோவில் அமைந்துள்ளது. இந்த கோவிலுக்கு அருகில் மக்கள் குப்பைகளை கொட்டி வருவதால், அப்பகுதி அசுத்தம் அடைந்து காணப்படுகிறது. மேலும் அங்கு குப்பைகள் தேங்கி இருப்பதால் ஓடை நீர் செல்ல முடியாத நிலை ஏற்பட்டுள்ளது.
இதனால் அப்பகுதியில் கடும் துர்நாற்றம் வீசுவதால் பொதுமக்கள் சிரமப்படுகின்றனர். எனவே குப்பைகளை அப்புறப்படுத்தி, சுகாதாரம் குறித்து பொதுமக்களுக்கு விழிப்புணர்வு ஏற்படுத்த வேண்டும் என சமூக ஆர்வலர்கள் கோரிக்கை விடுத்துள்ளனர்.