அப்துல்கலாமின் கனவுக்கு உருவம் கொடுத்து வந்தவர் நடிகர் விவேக்(59). சமூக ஆர்வலராகவும் விளங்கினார். நகைச்சுவையுடன் சமூகத்துக்கு தேவையான கருத்துக்களை எடுத்துரைத்தவர். நடிகர் விவேக்கை இயக்குனர் பாலச்சந்தர் திரைப்படத்தில் முதன் முதலாக அறிமுகப்படுத்தினார். விவேகம் மிக்க கருத்துக்களை மக்கள் மனதில் விதைத்தவர். இந்நிலையில் இவருக்கு நேற்று ஏற்பட்ட மாரடைப்பு காரணமாக மருத்துவமனையில் அனுமதிக்கப்பட்டு சிகிச்சை பெற்று வந்தார்.
இதையடுத்து மருத்துவமனை நிர்வாகம் அவருடைய உடல்நிலை மிகவும் மோசமாக இருப்பதாகவும் தெரிவித்தது. இதையடுத்து நேற்று காலை 4.35 மணியளவில் காலமானார். அவருடைய இறப்புக்கு பலரும் இரங்கல் தெரிவித்து வருகின்றனர். இந்நிலையில் நடிகர் உடல் அவருடைய வீட்டில் வைக்கப்பட்டு ரசிகர்களும், பொதுமக்களும், திரையுலகினரும் அஞ்சலி செலுத்தினர்.
இதையடுத்து நடிகர் விவேக் மரணத்திற்கு கொரோனா தடுப்பூசி தான் காரணமா என மக்களிடையே அச்சமும், குழப்பமும் நிலவி வருகிறது. இந்நிலையில் மருத்துவர்கள் உள்ளிட்டவர்களிடம் விசாரித்தவரை நடிகர் விவேக் தடுப்பூசியால் உயிரிழக்கவில்லை என்றும், அவர் முறையாக மருத்துவ பரிசோதனை செய்யாமல் இருந்திருப்பார் என நினைக்கிறேன் என்று சீமான் தெரிவித்துள்ளார்.