து.ப.சரவணன் இயக்கத்தில் விஷால் நடித்து வரும் படத்தின் படப்பிடிப்பு குறித்த தகவல் வெளியாகியுள்ளது.
தமிழ் திரையுலகில் முன்னணி கதாநாயகனாக வலம் வரும் விஷால் தற்போது எனிமி, துப்பறிவாளன்-2 போன்ற படங்களை கைவசம் வைத்துள்ளார். மேலும் விஷாலின் 31-வது படத்தை புதுமுக இயக்குனர் து.ப.சரவணன் இயக்கி வருகிறார் . இந்த படத்தில் டிம்பிள் ஹயாதி கதாநாயகியாகவும், மலையாள நடிகர் பாபுராஜ் வில்லனாகவும் நடிக்கின்றனர்.
விஷாலின் பிலிம் பேக்டரி நிறுவனம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். ஹைதராபாத்தில் இந்த படத்தின் படப்பிடிப்பு விறுவிறுப்பாக நடைபெற்று வந்தது. இதில் விஷால், பாபுராஜ் இருவரும் மோதிக்கொள்ளும் சண்டைக்காட்சிகள் படமாக்கப்பட்டது. இந்நிலையில் ஹைதராபாத்தில் நடைபெற்று வந்த படப்பிடிப்பு நிறைவடைந்துவிட்டதாக தகவல் வெளியாகியுள்ளது. மேலும் விஷால் 31 படத்தின் அடுத்தகட்ட படப்பிடிப்பு விரைவில் சென்னையில் தொடங்கப்படவுள்ளது.