விஷால் 31 படத்தின் படப்பிடிப்பு ஹைதராபாத்தில் நடைபெற்று வருகிறது.
தமிழ் திரையுலகில் நட்சத்திர நாயகனாக வலம் வரும் விஷாலின் 31-வது படத்தை அறிமுக இயக்குனர் து.ப.சரவணன் இயக்கி வருகிறார் . இந்த படத்தில் டிம்பிள் ஹயாதி கதாநாயகியாக நடிக்கிறார். மேலும் இந்த படத்தில் ரமணா, நந்தா ஆகியோர் முக்கிய கதாபாத்திரத்தில் நடிக்கின்றனர். விஷாலின் பிலிம் பேக்டரி நிறுவனம் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார். தற்போது இந்த படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது .
சமீபத்தில் இந்த படத்தின் சண்டைக் காட்சிகள் படமாக்கப்பட்ட படப்பிடிப்பு வீடியோ வெளியாகி ரசிகர்களை வெகுவாக கவர்ந்தது. இந்நிலையில் விஷால் 31 படத்தில் பிரபல காமெடி நடிகர் யோகிபாபு இணைந்துள்ளதாக தகவல் வெளியாகியுள்ளது. ஏற்கனவே விஷாலின் பட்டத்து யானை, அயோக்யா, ஆக்சன் ஆகிய படங்களில் யோகி பாபு நடித்துள்ளார் என்பது குறிப்பிடத்தக்கது.