திண்டுக்கல்லில் வீட்டையின் பூட்டை உடைத்து 12 பவுன் தங்க செயினை கொள்ளையர்கள் கொள்ளையடித்து சென்றுள்ளனர்.
திண்டுக்கல்லில் புறவழிச்சாலையில் உள்ளது எஸ்.பி.ஆர் நகர் இரண்டாவது தெருவில் சௌந்தரராஜன் அவரது மனைவி தமிழ்ச்செல்வி ஆகியோர் தங்களது சொந்தமான வீட்டில் வசித்து வருகின்றனர். இந்நிலையில் சௌந்தரராஜன் இறந்த பிறகு தமிழ்செல்வி மட்டும் தனியாக வசித்து வருகிறார். இந்நிலையில் நேற்று தமிழ்ச்செல்வி வீட்டை பூட்டி விட்டு திண்டுக்கல் ரவுண்ட் ரோட்டில் உள்ள அவரது மகள் சசிரேகா வீட்டிற்கு சென்றுள்ளார். பின்னர் நேற்று வீட்டு வேலைக்காக வந்த வேலையால் பின்பக்க கதவு உடைக்கப்பட்டு இருப்பதை கண்டு தமிழ் செல்விக்கு தகவல் தெரிவித்துள்ளார்.
இதனையடுத்து மதியம் வீட்டிற்கு வந்த தமிழ்ச்செல்விக்கு பேரதிர்ச்சியாக இருந்தது. பின்பக்க கதவின் பூட்டை உடைத்து பீரோவில் இருந்த 12 பவுன் தங்க சங்கிலியை கொள்ளையர்கள் திருடிச் சென்றது தெரியவந்தது. இது தொடர்பாக தமிழ்செல்வி தாடிக்கொம்பு காவல்துறையினர் வழக்குப்பதிவு செய்து விசாரணை நடத்தி வருகின்றனர்.