இருசக்கர வாகனத்தை திருடிய குற்றத்திற்காக ஒருவரை காவல்துறையினர் கைது செய்துள்ளனர்.
சிவகங்கை மாவட்டத்திலுள்ள எம்.ஜி.ஆர். நகரில் முனீஸ்வரி என்பவர் வசித்து வருகிறார். இவர் தனது இருசக்கர வாகனத்தை வீட்டின் முன்பு நிறுத்தியுள்ளார். அதன்பின் மறுநாள் காலையில் வெளியே சென்று பார்த்தபோது தனது இருசக்கர வாகனம் திருடப்பட்டது தெரியவந்துள்ளது. இதனையடுத்து முனீஸ்வரி காவல்நிலையத்தில் புகார் அளித்துள்ளார்.
அந்த புகாரின் பேரில் வழக்குப்பதிவு செய்த காவல்துறையினர் நடத்திய விசாரணையில் இருசக்கர வாகனத்தை திருடிய நபர் மடப்புரம் விலக்கு பகுதியில் வசித்து வரும் ஜெயசக்தி என்பது தெரியவந்துள்ளது. பின்னர் ஜெயசக்தி என்பவரை காவல்துறையினர் கைது செய்து சிறையில் அடைத்தனர்.