ஆட்டோவை திருடிய குற்றத்திற்காக வாலிபரை காவல்துறையினர் கைது செய்துள்ளனர்.
மதுரை மாவட்டத்தில் உள்ள கீழ வைத்தியநாதபுரம் பகுதியில் பால்ராஜ் என்பவர் வசித்து வருகிறார். இவர் தனது ஆட்டோவை வக்கீல் புது தெரு பகுதியில் நிறுத்தி விட்டு வீட்டிற்கு சென்றுள்ளார். இதனையடுத்து திரும்பி வந்து பார்த்த போது ஆட்டோவை மர்ம நபர்கள் திருடி சென்றதை அறிந்து பால்ராஜ் அதிர்ச்சி அடைந்தார்.
இதுகுறித்து பால்ராஜ் காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் ஆட்டோவை திருடிய குற்றத்திற்காக தமிழரசன் என்பவரை கைது செய்து விசாரணை மேற்கொண்டு வருகின்றனர்.