வீட்டிற்குள் நுழைந்த பாம்பை தீயணைப்பு வீரர்கள் போராடி பிடித்துள்ளனர்.
சிவகங்கை மாவட்டத்தில் உள்ள பிள்ளையார்பட்டி கிராமத்தில் செந்தில் என்பவர் வசித்து வருகிறார். இந்நிலையில் அருகில் அமைந்துள்ள காட்டு பகுதியில் இருந்து செந்திலின் வீட்டிற்க்குள் பாம்பு ஒன்று புகுந்துள்ளது. இதனைபார்த்து அதிர்ச்சி அடைந்த செந்தில் உடனடியாக தீயணைப்பு துறையினருக்கு தகவல் தெரிவித்துள்ளார்.
அந்த தகவலின் படி சம்பவ இடத்திற்கு விரைந்து சென்ற தீயணைப்பு வீரர்கள் நீண்ட நேரம் போராடி செந்திலின் வீட்டிற்குள் நுழைந்த பாம்பை பிடித்தனர். இதனையடுத்து வனத்துறையினர் அந்த பாம்பை வனப்பகுதிக்கு கொண்டு விட்டுள்ளனர். இந்த சம்பவம் அப்பகுதி மக்களிடம் பெரும் அச்சத்தை ஏற்படுத்தியுள்ளது.