இயக்குனர் நெல்சன் இயக்கத்தில் தளபதி விஜய் நடிப்பில் தற்போது உருவாகியுள்ள திரைப்படம் “பீஸ்ட்”. சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைத்துள்ளார். இந்த படத்தில் கதாநாயகியாக பூஜா ஹெக்டே நடித்துள்ளார். மேலும் இந்த படத்தில் யோகி பாபு, அபர்ணா தாஸ், செல்வராகவன் மற்றும் பலர் முக்கிய கதாபாத்திரத்தில் நடித்துள்ளனர். இந்நிலையில் வரும் 13ம் தேதி பீஸ்ட் திரைப்படம் உலகம் முழுவதும் திரையரங்குகளில் ரிலீஸ் ஆக உள்ளது. இதனை முன்னிட்டு இன்று மாலை பீஸ்ட் படத்தின் டிரெய்லர் வெளியிடப்படுகிறது.
இந்த படத்தில் வீரராகவன் என்ற கதாபாத்திரத்தில் விஜய் நடித்திருப்பதாக தகவல் வெளியாகியுள்ளது. இந்த நிலையில் பீஸ்ட் படத்தின் டீம் போட்டோ இணையத்தில் வெளியாகியுள்ளது. அந்த புகைப்படத்தில் ஹீரோயின் பூஜா ஹெக்டே, விடிவி கணேஷ், இயக்குனர் நெல்சன் மற்றும் படக்குழுவினர் பலரும் உள்ளனர். இருப்பினும் படத்தின் ஹீரோ விஜய் மட்டும் போட்டோவில் இடம்பெறவில்லை. இந்த புகைப்படத்தை பார்த்த ரசிகர்கள் வீரராகவன் எங்கே ? என்று கேட்டு வறுத்தெடுத்து வருகின்றனர். இந்த போட்டோ தற்போது இணையத்தில் வைரலாகி லைக்ஸ்களை அள்ளி வருகிறது.