கரூர் மாவட்டத்தில் உள்ள குளித்தலை பகுதியில் கடந்த சில நாட்களாக கழுத்தில் பெல்ட் அணிந்த ஒரு நாய் சுற்றி திரிகிறது. யாரோ ஒருவர் இந்த நாயை வீட்டில் வளர்த்து வந்துள்ளார். இந்நிலையில் வாகனத்தில் செல்பவர்களையும், சாலையில் நடந்து செல்பவர்களையும் இந்த நாய் துரத்தி கடிக்கிறது. கடந்த சில நாட்களாக 10-க்கும் மேற்பட்டோரை இந்த நாய் கடித்து குதறியது.
இதனால் காயமடைந்தவர்கள் குளித்தலை அரசு மருத்துவமனையில் சிகிச்சைக்காக அனுமதிக்கப்பட்டுள்ளனர். இதுகுறித்து பொதுமக்கள் நகராட்சி அலுவலர்களுக்கு தகவல் தெரிவித்தனர். அதன்படி நகராட்சி துப்புரவு பணியாளர்கள் வெறிபிடித்து சுற்றும் நாயை பிடிப்பதற்கு முயற்சி செய்து வருகின்றனர்.