வெறும் கைகளால் பள்ளி கழிவறையை சுத்தம் செய்த பாஜக எம் பி… வைரலாகும் வீடியோ…!!!!

மத்திய பிரதேசத்தில் பாரதிய ஜனதா கட்சி எம்பி ஜனார்த்தன் மிஸ்ரா பெண்கள் கழிவறையை வெறும் கைகளால் சுத்தம் செய்யும் வீடியோ ஒன்று சமூக வலைத்தளங்களில் வெளியாகி வேகமாக பரவி வருகிறது. மத்திய பிரதேசம் மாநிலம் ரேவா தொகுதி எம்பி ஜனார்த்தன் மிஸ்ரா பள்ளியில் நடைபெற்ற மரம் நடும் விழாவில் கலந்து கொண்டுள்ளார். அதன்பின் பெண்கள் கழிவறைக்கு சென்ற அவர் அங்கு சுத்தமாக இருந்த கழிவறையை வெறும் கைகளாலே சுத்தம் செய்து அங்குள்ளோரை ஆச்சரியப்படுத்தியுள்ளார். தூய்மை இந்தியா திட்டத்தை மிகவும் தீவிரமாக எடுத்துக் கொண்டு பிரச்சாரம் மேற்கொண்டு வருகின்ற இவர் இதற்கு முன்பும் கழிவறையை வெறும் கைகளால் சுத்தம் செய்திருப்பது குறிப்பிடத்தக்கதாகும்.