இயக்குனர் வெற்றிமாறன் கைக்காட்டும் நபருக்கு படம் இயக்க வாய்ப்பு தருவதாக பிரபல தயாரிப்பாளர் ஒருவர் கூறியுள்ளார்.
தமிழ் சினிமாவில் முன்னணி இயக்குனராக வெற்றி மாறன் இருக்கிறார். இவர் நாம் என்ற அறக்கட்டளையின் சார்பில் திரை பண்பாடு ஆய்வகத்தை தொடங்கி வைத்துள்ளார். இதன் மூலம் சமுதாயத்தில் ஒடுக்கப்பட்ட மற்றும் பொருளாதார ரீதியாக வறுமையில் வாடும் மாணவ மாணவிகளுக்கு நுழைவுத்தேர்வு வைத்து, தங்களுடைய வலியை, தனது பண்பாட்டை ஊடகங்களில் பதிவு செய்ய விரும்பும் நபர்களை தேர்வு செய்து அவர்களை சினிமாவில் தலை சிறந்த மனிதராக மாற்றும் முயற்சியில் இந்த அறக்கட்டளை ஆரம்பிக்கப்பட்டுள்ளது.
இந்த நிறுவனத்தின் தொடக்க விழாவில் கலைபுலி எஸ்.தாணு 1 கோடி ரூபாயை நன்கொடையாக கொடுத்துள்ளார். இவர் இந்த நிறுவனத்தில் படிக்கும் மாணவ-மாணவிகளில் இயக்குனர் வெற்றிமாறன் கைக்காட்டும் நபர்களுக்கு தன்னுடைய வீ கிரியேஷன்ஸ் நிறுவனம் படம் இயக்க வாய்ப்பு தரும் என கூறியுள்ளார்.