இயக்குனர் வெற்றிமாறன் இயக்கத்தில் சூரி கதாநாயகனாக நடிக்கும் படத்திலிருந்து பாரதிராஜா விலகிவிட்டதாக தகவல் வெளியாகியுள்ளது .
தமிழ் திரையுலகில் முன்னணி இயக்குனராக வலம் வரும் வெற்றிமாறன் இயக்கத்தில் வெளியான பொல்லாதவன் ,ஆடுகளம், வடசென்னை ,விசாரணை, அசுரன் ஆகிய திரைப்படங்கள் சூப்பர் ஹிட் கொடுத்தவை . அடுத்ததாக இவர் இயக்கவுள்ள படத்தில் காமெடி ஹீரோ சூரி கதாநாயகனாக நடிக்கிறார் . எல்ரெட் குமார் தயாரிக்கும் இந்த படத்திற்கு இளையராஜா இசையமைக்கவுள்ளார். இந்த படம் எழுத்தாளர் ஜெயமோகனின் ‘துணைவன்’ என்கிற சிறுகதையை மையமாக வைத்து தயாராக உள்ளது.
இந்நிலையில் இந்தப் படத்தில் முக்கிய கதாபாத்திரத்தில் நடிக்க ஒப்பந்தமாகியிருந்த இயக்குனர் பாரதிராஜா திடீரென படத்திலிருந்து விலகி விட்டாராம் . இவர் நடிக்கும் காட்சிகள் சத்தியமங்கலம் வனப்பகுதியில் படமாக்க திட்டமிடப்பட்டிருந்தது . அங்கு கடும் குளிர் நிலவுவதால் ,பாரதிராஜாவின் உடல் அதுக்கு ஒத்துழைக்காது என்பதால் அவர் படத்தில் இருந்து விலக முடிவு செய்துள்ளாராம் . இதையடுத்து பாரதிராஜாவுக்கு பதிலாக அந்த கதாபாத்திரத்தில் நடிக்க கிஷோர் ஒப்பந்தமாகியுள்ளார் . நடிகர் கிஷோர் ஏற்கனவே வெற்றிமாறனின் ஆடுகளம், பொல்லாதவன் ,விசாரணை ,வடசென்னை ஆகிய படங்களில் நடித்துள்ளார் .