ராணுவ பயிற்சி கல்லூரியின் கமாண்டெண்டாக வீரேந்திர வாட்ஸ் நியமனம் செய்யப்பட்டுள்ளார்.
நீலகிரி மாவட்டத்தில் உள்ள குன்னூர் அருகே இருக்கும் வெல்டிங்டெனில் ராணுவ பயிற்சி கல்லூரி அமைந்துள்ளது. இந்த கல்லூரியில் நட்பு நாடுகளின் முப்படை அதிகாரிகளுக்கும், இந்தியாவின் முப்படை அதிகாரிகளுக்கும் பயிற்சி அளிக்கப்படுகிறது. கடந்த மாதம் கல்லூரியின் கமாண்டெண்டாக பதவி வகித்த லெப்டினென்ட் ஜென்ரல் மோகன், தென் சூடான் நாட்டில் இருக்கும் ஐ.நா சபை அமைதிப்படை தளபதியாக நியமனம் செய்யப்பட்டார்.
இந்நிலையில் ராணுவ பயிற்சி கல்லூரி கமெண்டெண்டாக ஜெனரல் வீரேந்திர வாட்ஸ் நியமனம் செய்யப்பட்டுள்ளார். இவர் தேசிய பாதுகாப்புக் கல்லூரி, இந்திய பாதுகாப்பு அகாடமி போன்றவற்றில் ராணுவ அதிகாரி பயிற்சி பெற்றது குறிப்பிடத்தக்கதாகும். மேலும் கிழக்கு பிராந்திய தளபதியாகவும், எல்லை பகுதியான காஷ்மீர் பள்ளத்தாக்கிலும் சிறப்பாக வேலை பார்த்துள்ளார். புதிய கமாண்டெண்டாக பதவியேற்ற லெப்டினன்ட் ஜெனரல் வீரேந்திர வாட்சுக்கு அதிகாரிகள் வாழ்த்துக்களை தெரிவித்துள்ளனர்.