IPL டி20 ஓவர் போட்டி கடந்த 2008 ஆம் வருடம் அறிமுகம் செய்யப்பட்டது. இந்திய கிரிக்கெட் கட்டுப்பாட்டு வாரியத்தால் (பி.சி.சி.ஐ.) கொண்டுவரப்பட்ட இப்போட்டிக்கு ரசிகர்கள் மத்தியில் நல்ல வரவேற்பு கிடைத்தது. இதன் காரணமாக இப்போட்டிக்கு வர்த்தக ரீதியில் மிகப்பெரிய வெற்றி கிடைத்தது. இந்தியாவில் நடைபெறும் டி20 ஓவர் லீக் போட்டியை போன்று வெளிநாடுகளில் டி20 ஓவர் போட்டி தொடர் நடத்தப்படுகிறது. ஐக்கியஅரபு எமிரேட்ஸ் மற்றும் தென் ஆப்பிரிக்காவில் நடைபெறவுள்ள டி20 ஓவர் லீக் போட்டிகளில் கலந்துகொள்ளும் அணிகளை IPL உரிமையாளர்களில் பலர் வாங்கி இருக்கின்றனர்.
அவர்கள் வெளிநாடுகளில் நடத்தப்படும் டி20ஓவர் போட்டி அணிகளில் முதலீடு செய்துள்ளனர். IPLல் தங்கள் அணியில் ஆடும் வீரர்களை இத்தொடரில் விளையாட வைக்க அவர்கள் முடிவு செய்துள்ளனர். இந்நிலையில் வெளிநாட்டு டி20 ஓவர் தொடர்களில் இந்தியவீரர்கள் கலந்துகொள்ள கிரிக்கெட் வாரியம் தடைவிதித்துள்ளது. இதுகுறித்து பி.சி.சி.ஐ. நிர்வாகி ஒருவர் கூறியதாவது “அனைத்து வகையான போட்டிகளிலிருந்து ஓய்வுபெறும் வரை உள்நாட்டு வீரர்கள் உட்பட எந்தஒரு இந்திய வீரரும் வேறு எந்த ‘லீக்’ போட்டிகளிலும் கலந்துகொள்ள முடியாது என்பது தெளிவாக இருக்கிறது.
இதன் காரணமாக எந்த ஒரு இந்திய வீரர்களும் வெளிநாடு டி20 ஓவர் தொடர்களில் கலந்துகொள்ள முடியாது. அவ்வாறு விளையாட விரும்பும் வீரர்கள் கிரிக்கெட் வாரியத்துடனான அனைத்து ஒப்பந்தங்களையும், உறவுகளையும் முறித்துகொள்ள வேண்டும்” என்று அவர் கூறியுள்ளார். இதேபோன்று வெளிநாட்டில் நடைபெறும் 20 ஓவர் லீக்கில் அணிகளின் ஆலோசகராகவும் செயல்படவும் தடைவிதிக்கப்பட்டு இருக்கிறது .