வீட்டின் பூட்டை உடைத்து நகை மற்றும் பணத்தை திருடிச்சென்ற மர்ம நபர்கள் குறித்து காவல்துறையினர் விசாரணை மேற்கொண்டு வருகின்றனர்.
மதுரை மாவட்டத்தில் உள்ள திருமங்கலம் பகுதியில் பாலமுருகன் என்பவர் வசித்து வருகிறார். இவருக்கு பஞ்சவர்ணன் என்ற மனைவி உள்ளார். இந்த தம்பதியினர் வீட்டை பூட்டி விட்டு வெளியே சென்றுள்ளனர். இந்நிலையில் வீட்டில் யாரும் இல்லாத சமயத்தில் உள்ளே புகுந்த மர்ம நபர்கள் பீரோவில் இருந்த 5 பவுன் தங்க நகை மற்றும் 10 ஆயிரம் ரூபாய் பணத்தை திருடிவிட்டு தப்பி சென்றனர். இதுகுறித்து பாலமுருகன் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் மர்ம நபர்களை வலைவீசி தேடி வருகின்றனர்.