வங்கி மேலாளரின் வீட்டில் நகையை திருடிச் சென்ற மர்ம நபர்களை காவல்துறையினர் தீவிரமாக தேடி வருகின்றனர்.
விருதுநகர் மாவட்டத்தில் உள்ள முத்துராமலிங்க நகரில் வங்கி மேலாளரான ராமகிருஷ்ணன் என்பவர் குடும்பத்துடன் வசித்து வருகிறார். இந்நிலையில் ராமகிருஷ்ணன் வீட்டை பூட்டி விட்டு வேலைக்கு சென்றுள்ளார். இதனையடுத்து வீட்டிற்கு திரும்பி வந்த ராமகிருஷ்ணன் வீட்டின் கதவு உடைக்கப்பட்டு இருந்ததை கண்டு அதிர்ச்சியடைந்துள்ளார்.
அதன்பின் உள்ளே சென்று பார்த்தபோது லாக்கரில் வைக்கப்பட்டிருந்த 11 பவுன் தங்க நகையை மர்மநபர்கள் திருடிச் சென்றது தெரியவந்துள்ளது. இதுகுறித்து ராமகிருஷ்ணன் காவல் நிலையத்தில் புகார் அளித்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் நகையை திருடிச் சென்ற மர்ம நபர்களை தீவிரமாக தேடி வருகின்றனர்.