கொரோனா பிரச்சினைகளுக்கு இடையிலும் ஜப்பானில் உள்ள டோக்கியோவில் ஒலிம்பிக் போட்டிகள் தொடங்கி நடைபெற்று வருகின்றது. இதில் இந்திய வீரர் வீராங்கனைகள் எதில் வெற்றி பெற்றுள்ளனர் என்பது குறித்து தகவல் வெளியாகி வருகின்றது. அந்தவகையில் டோக்கியோ ஒலிம்பிக்கில் மகளிர் 49 கிலோ பளுதூக்குதல் எடை பிரிவில் இந்திய வீராங்கனை மீராபாய் சானு வெள்ளிப் பதக்கம் வென்றுள்ளார்.
இந்தியாவின் முதல் பதக்கத்தை பதிவு செய்துள்ளார். நாடு முழுவதும் அவருக்கு பாராட்டுகள் குவிந்த வண்ணம் இருக்க, தமிழக முதல்வர் ஸ்டாலின் தனது வாழ்த்தை பதிவிட்டுள்ளார். அவர் பதிவிட்டுள்ள ட்விட்டில் “முதல்நாளிலேயே இந்தியாவுக்கு அற்புதமான துவக்கத்தை கொடுத்த மீராபாய்க்கு என்னுடைய வாழ்த்துக்கள்” என்று கூறியுள்ளார்.