டிராக்டரில் இருந்து கீழே விழுந்து டிரைவர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
ராமநாதபுரம் மாவட்டம் தூரத்தியேந்தல் பகுதிகள் நாகநாதன் என்பவர் வசித்து வருகிறார். இவரது மகன் அலெக்ஸ்பாண்டியன் வன்னிவயல் பகுதியில் டிராக்டர் டிரைவராக பணிபுரிந்து வந்துள்ளார். இந்நிலையில் அலெக்ஸ்பண்டியன் ராமநாதபுரத்திற்கு செங்கல்களை இறக்கிவிட்டு மீட்டும் டிராக்டரில் வன்னிவயலுக்கு திரும்பியுள்ளார். அப்போது ரெட்டைபோஸ்ட் பகுதியில் ஒரு வேகத்தடை ஏறி இறங்கிய போது அலெக்ஸ்பாண்டியன் திடீரென டிராக்டரில் இருந்து கீழே விழுந்துள்ளார்.
இதில் படுகாயமடைந்த அவரை அப்பகுதியினர் மீட்டு ராமநாதபுரம் அரசு மருத்துவமனைக்கு அனுப்பி வைத்துள்ளனர். ஆனால் அங்கு சிகிச்சை பலனின்றி அலெக்ஸ்பாண்டியன் பரிதாபமாக உயிரிழந்துள்ளார். இதனை அறிந்த ராமநாதபுரம் பஜார் காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்