வாகனம் மோதி உயிரிழந்த மயிலை வனத்துறை அதிகாரிகள் புதைத்தனர்.
திருப்பூர் மாவட்டத்திலுள்ள காங்கேயம்-தாராபுரம் சாலையில் மோட்டார் வாகன ஆய்வாளர் அலுவலகம் அருகில் வந்த வாகனம் ஒன்று 3 வயது ஆண்மயில் மீது மோதியது. இதில் காயமடைந்த ஆண்மயில் சாலையோரத்தில் இறந்து கிடந்தது.
இதனை பார்த்த வாகன ஓட்டிகள் இதுகுறித்து வனத்துறை அதிகாரிகளுக்கு தகவல் தெரிவித்துள்ளனர். அந்த தகவலின் படி சம்பவ இடத்திற்கு விரைந்து சென்ற வனத்துறை அதிகாரிகள் இறந்து கிடந்த மயிலை மீட்டு அருகில் புதைத்தனர்.