நாட்டு துப்பாக்கியுடன் சென்ற இரண்டு பேரை காவல்துறையினர் கைது செய்துள்ளனர்.
திண்டுக்கல் மாவட்டத்திலுள்ள அம்மையநாயக்கனூர் காவல்துறையினர் சோழவந்தான் பிரிவு பகுதியில் தீவிர ரோந்து பணியில் ஈடுபட்டுள்ளனர். அப்போது வேலாயுதபுரம் அண்ணா நகரில் வசிக்கும் வீரணன் என்பவர், நண்பரான பாண்டி என்பவருடன் நாட்டு துப்பாக்கியுடன் சென்றுள்ளார். இதனை பார்த்த காவல்துறையினர் இரண்டு பேரையும் பிடித்து விசாரணை நடத்திய போது அவர்கள் வனவிலங்குகளை வேட்டையாட சென்றது தெரியவந்துள்ளது.
இதனால் இரண்டு பேரையும் காவல்துறையினர் கைது செய்துள்ளனர். மேலும் இதுகுறித்து வழக்குப்பதிவு செய்த காவல்துறையினர் அவர்களிடம் இருந்த நாட்டு துப்பாக்கி மற்றும் 7 தோட்டாக்களை பறிமுதல் செய்து விசாரணை மேற்கொண்டு வருகின்றனர்.