ரேஷன் அரிசி கடத்திய நபரை போலீசார் கைது செய்தனர்.
விருதுநகர் மாவட்ட உணவு பொருள் கடத்தல் தடுப்பு பிரிவு போலீசார் சத்திர ரெட்டியப்பட்டி விலக்கில் தீவிர வாகன சோதனையில் ஈடுபட்டுள்ளனர். அப்போது அந்த வழியாக வந்த வேனை போலீசார் நடத்தி சோதனை செய்துள்ளனர். அதில் 40 கிலோ ரேஷன் அரிசியை கடத்தியது தெரியவந்தது.
இதனையடுத்து போலீசார் நடத்திய விசாரணையில், வேனை ஒட்டி வந்த நபர் மதுரை சேர்ந்த ரவி(31) என்பதும், விருதுநகர் அல்லம்பட்டி, பாண்டியன் நகர் ஆகிய பகுதிகளில் இருந்து ரேஷன் அரிசியை சேகரித்து கோழி தீவன ஆலைக்கு விற்பனை செய்வதற்காக கொண்டு சென்றது தெரியவந்தது. இதுகுறித்து வழக்குபதிந்த போலீசார் ரவியை கைது செய்ததோடு, 40 கிலோ ரேஷன் அரிசியை பறிமுதல் செய்தனர்.