திருச்சி மாவட்டம் முக்கோம்பு அருகே சாலையில் சென்று கொண்டிருந்த வேன் மீது லாரி மோதி விபத்துக்குள்ளானது. அந்த விபத்தில் வேன் கவிழ்ந்தது. இதில் 25 பேர் படுகாயம் அடைந்துள்ளனர். இந்த சம்பவம் பற்றி தகவல் அறிந்து உடனே சம்பவ இடத்திற்கு விரைந்த போலீசார் மீட்பு பணியில் ஈடுபட்டனர். காயமடைந்தவர்கள் அனைவரும் திருச்சி அரசு மருத்துவமனைக்கு கொண்டு செல்லப்பட்டனர்.
அங்கு அவர்களுக்கு தீவிர சிகிச்சை அளிக்கப்பட்டு வருகிறது.அவர்களில் மூன்று பேரின் நிலைமை கவலைக்கிடமாக உள்ளதாக தகவல் வெளியாகியுள்ளது. இந்த விபத்தின் காரணம் பற்றி போலீசார் விசாரணை நடத்தி வருகின்றனர். இந்த விபத்து அப்பகுதியில் பெரும் பரபரப்பை ஏற்படுத்தியுள்ளது.