பொன்னியின் செல்வன் திரைப்படத்திற்கு அமுல் நிறுவனம் மரியாதை செலுத்தியுள்ளது.
மணிரத்தினம் இயக்கத்தில் இரண்டு பாகங்களாக உருவாகி சென்ற 30-ம் தேதி பொன்னியின் செல்வன் திரைப்படத்தின் முதல் பாகம் வெளியாகியுள்ளது. இப்படத்தில் கார்த்தி, விக்ரம், ஜெயம் ரவி, ஐஸ்வர்யா ராய், த்ரிஷா என மிகப் பெரிய நட்சத்திர பட்டாளமே நடித்துள்ளது. மேலும் இத்திரைப்படத்தை மெட்ராஸ் டாக்கீஸ் நிறுவனமும் லைகா நிறுவனமும் இணைந்து தயாரிக்க படத்திற்கு இசை புயல் ஏ.ஆர்.ரகுமான் இசையமைத்துள்ளார்.
இத்திரைப்படமானது தமிழ், தெலுங்கு, ஹிந்தி, கன்னடம், மலையாளம் உள்ளிட்ட ஐந்து மொழிகளில் பிரம்மாண்டமாக வெளியாகி ரசிகர்கள் மத்தியில் நல்ல வரவேற்பை பெற்று வருகின்றது. டிக்கெட் முன்பதிவு ஆரம்பமான சில மணி நேரத்தில் இரண்டு வாரங்களுக்கான டிக்கெட்டுகள் விற்பனையாகி சாதனை படைத்தது. மேலும் இத்திரைப்படம் ஐயாயிரத்திற்கும் மேற்பட்ட திரையரங்கில் வெளியாகி பல கோடி வசூல் செய்து சாதனை படைத்து வருகின்றது.
இந்த நிலையில் பொன்னியின் செல்வன் திரைப்படத்திற்கு அமுல் நிறுவனம் மரியாதை செலுத்தி இருக்கின்றது. பொன்னியின் செல்வன் கதாபாத்திரங்களுடன் உங்கள் பணத்தின் மதிப்பை பெறுங்கள் என்பதை இரட்டை அர்த்தத்தில் வரும்படி மணி என குறிப்பிட்டு மாஸ்டர் பீஸ் என பதிவிட்டு இருக்கின்றது. மேலும் காவிய படம் மணிரத்தினத்தின் பொன்னியின் செல்வன் வெளியிடப்பட்டது என கேப்ஷன் கொடுத்துள்ளது குறிப்பிடத்தக்கது.