தீயணைப்பு துறையினர் இரண்டு மலைப்பாம்புகளை பத்திரமாக பிடித்துவிட்டனர்.
புதுக்கோட்டை மாவட்டத்திலுள்ள அன்னவாசல் பகுதியில் இருக்கும் வேலியில் இரண்டு மலைப்பாம்புகள் இருப்பதை கண்டு பொதுமக்கள் அதிர்ச்சி அடைந்தனர். இதுகுறித்து பொதுமக்கள் உடனடியாக தீயணைப்பு துறையினருக்கு தகவல் தெரிவித்துள்ளனர். அந்த தகவலின்படி சம்பவ இடத்திற்கு விரைந்து சென்ற தீயணைப்பு வீரர்கள் சுமார் 2 மணி நேர போராட்டத்திற்கு பிறகு மலைபாம்புகளை பிடித்து வனத்துறையினரிடம் ஒப்படைத்தனர். அதன்பின் இரண்டு பாம்புகளும் நார்த்தாமலை வனப்பகுதியில் விடப்பட்டுள்ளது.