காணாமல் போன புது பெண்ணை காவல்துறையினர் தீவிரமாக தேடி வருகின்றனர்.
திருச்சி மாவட்டத்தில் உள்ள மன்னார்புரம் காஜா நகர் பகுதியில் சபரிநாத்(25) என்பவர் வசித்து வருகிறார். இவர் சமையல் வேலை செய்து வருகிறார். கடந்த மே மாதம் 25-ஆம் தேதி சபரிநாத்துக்கு சித்ராதேவி(22) என்ற பெண்ணுடன் திருமணம் நடைபெற்றுள்ளது. கடந்த 11-ஆம் தேதி சபரிநாத் வேலைக்கு சென்று விட்டு மீண்டும் வீட்டிற்கு திரும்பி வந்துள்ளார். அப்போது வீட்டில் சித்ராதேவி இல்லை.
இதனால் சபரிநாத் மற்றும் அவரது உறவினர்கள் சித்ராதேவியை பல்வேறு இடங்களில் தேடி பார்த்தும் அவர் கிடைக்கவில்லை. இது குறித்து சபரிநாத் கே.கே நகர் காவல் நிலையத்தில் புகார் அளித்தார். அந்த புகாரின் பேரில் வழக்கு பதிவு செய்த போலீசார் சித்ராதேவியை தீவிரமாக தேடி வருகின்றனர்.