வாலிபர் தூக்கிட்டு தற்கொலை செய்து கொண்ட சம்பவம் சோகத்தை ஏற்படுத்தியுள்ளது.
சென்னை மாவட்டத்தில் உள்ள புளியந்தோப்பு திரு.வி.க நகரில் பரத் என்பவர் வசித்து வந்துள்ளார். இவர் வீட்டின் சுவர்களுக்கு அலங்காரம் செய்யும் வேலை பார்த்து வந்துள்ளார். கடந்த 3 மாதமாக பரத் வேலை இல்லாமல் மிகவும் சிரமப்பட்டு வந்துள்ளார். இந்நிலையில் மன உளைச்சலில் இருந்த பரத் தனது வீட்டில் தூக்கிட்டு தற்கொலை செய்துள்ளார்.
இதுகுறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று பரத்தின் சடலத்தை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.