அயர்லாந்து, இங்கிலாந்து, ஸ்பெயின், அமெரிக்கா உள்ளிட்ட நாடுகளில் குழந்தைகளின் கல்லீரலை தாக்கும் மர்ம நோய் கண்டறியப்பட்டுள்ளது. இந்த நிலையில் உலக சுகாதார அமைப்பு வரும் நாட்களில் நோயின் தாக்கம் அதிகரிக்கக்கூடும் என்று எச்சரிக்கை விடுத்துள்ளது. அதாவது அமெரிக்காவில் 9 பேருக்கும், இங்கிலாந்தில் 74 பேருக்கும் ஒன்று முதல் ஆறு வயதுடைய குழந்தைகளை தாக்கும் இந்நோய் பாதிப்பு இருப்பது கண்டறியப்பட்டுள்ளதாக தகவல் வெளியாகியுள்ளது.
இதற்கிடையே இந்த கல்லீரல் பாதிப்பு நோயால் இதுவரை உயிரிழப்புகள் எதுவும் ஏற்படாத நிலையில் உலக சுகாதார அமைப்பு ஆறு பேருக்கு இந்நோயால் தீவிர பாதிப்பு ஏற்பட்டுள்ளதாகவும், அவர்களுக்கு கல்லீரல் மாற்று அறுவை சிகிச்சை அவசியம் என்றும் குறிப்பிட்டுள்ளது. இந்த நோய்க்கான அறிகுறி கல்லீரல் வீக்கம் என்று கூறினாலும் பாதிக்கப்பட்டவர்களுக்கு வயிற்றுவலி, வயிற்றுப்போக்கு, மஞ்சள் காமாலை உள்ளிட்டவை ஏற்பட்டதாக கூறப்படுகிறது.