சென்னையில் உள்ள காசிமேடு பகுதியில் புயல் பாதித்த இடங்களை முதல்வர் ஸ்டாலின் ஆய்வு செய்தார். அந்த ஆய்வின்போது மேயர் பிரியா, மாநகராட்சி ஆணையர் சுகன்தீப் சிங் பேடி உள்ளிட்ட பல அதிகாரிகள் உடன் சென்றனர். அதன் பிறகு மாண்டஸ் புயல் இன்று அதிகாலை 2.30 மணி அளவில் மாமல்லபுரம் அருகே கரையை கடந்த நிலையில், கடலோர மாவட்டங்கள் உட்பட பல பகுதிகளில் சூறாவளி காற்றுடன் பலத்த கனமழை பெய்தது. இதனால் ஏற்பட்ட பாதிப்புகளை ஆய்வு செய்வதற்காக தான் முதல்வர் ஸ்டாலின் சென்று இருந்தார்.
இந்நிலையில் முதல்வர் ஸ்டாலினின் கான்வாய் வாகனத்தில் மாநகராட்சி மேயர் பிரியா புட்போர்டு அடித்தபடி, அதாவது தொங்கியபடி சென்றார். அது பெரும் சர்ச்சையை ஏற்படுத்தியுள்ளது. அதோடு முதல்வரின் வாகனம் சென்று கொண்டிருந்த போது மாநகராட்சி ஆணையர் சுகன்தீப் சிங் பேடி ஐஏஎஸ் அவர்களும் கான்வாய் வாகனத்தில் ஓடி வந்து ஏறி புட் போர்டு அடித்தார். இது தொடர்பான புகைப்படங்கள் மற்றும் வீடியோக்கள் சமூக வலைதளங்களில் வெளியாகி பெரும் சர்ச்சையை ஏற்படுத்தியுள்ளது. மேலும் பொறுப்பான பதவிகளில் இருக்கும் மேயர் மற்றும் மாநகராட்சி ஆணையர் ஆகியோர் இப்படி வாகனத்தில் ஃபட் போர்டு அடித்து செல்லலாமா என்று பலரும் விமர்சித்து வருகிறார்கள்.