திமுக தலைவர் ஸ்டாலின் போட்டியிடும் தொகுதியில் அவருக்கு எதிராக போட்டியிட தயார் என்று குஷ்பு தெரிவித்துள்ளார்.
தமிழகத்தில் சட்டமன்ற தேர்தல் நெருங்கிவிட்டது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால், தேர்தல் களம் சூடு பிடிக்க தொடங்கியுள்ளது. அனைத்து கட்சியினரும் ஒருவரை ஒருவர் கடுமையாக விமர்சித்து தீவிரப் பிரசாரத்தில் களமிறங்கியுள்ளனர். அதிலும் குறிப்பாக அதிமுக மற்றும் திமுக இடையே தேர்தல் பிரசாரத்தில் மோதல் போக்கு நிலவிக் கொண்டிருக்கிறது. இரண்டு கட்சியினரும் ஒருவரை ஒருவர் கடுமையாக விமர்சித்து பல்வேறு கருத்துக்களை கூறி வருகிறார்கள்.
இந்நிலையில் யாரிடமும் ஆதரவு கேட்கும் நிலையில் பாஜக இல்லை என்றும் திமுக தலைவர் ஸ்டாலின் போட்டியிடும் தொகுதியில் அவருக்கு எதிராக போட்டியிட தயார் என்று குஷ்பு தெரிவித்துள்ளார். மேலும் தனக்கு பாஜக அழுத்தம் தந்ததா என்பது பற்றி ரஜினி தான் பதிலளிக்க வேண்டும்.ரஜினிக்கு அழுத்தம் தந்து அவரது மன உளைச்சலுக்கு பாஜக தான் காரணம் என மற்றவர்கள் கூறக்கூடாது என தெரிவித்துள்ளார்.