ஸ்பெயின் நாட்டில் கொரோனாவால் பாதிக்கப்பட்டவர்களின் எண்ணிக்கை 5 லட்சத்தை நெருங்கியதால் மக்கள் அச்சமடைந்துள்ளனர்.
சீனாவில் தோன்றிய கொரோனா தொற்று, தற்போது உலக நாடுகள் முழுவதிலும் பரவி ஏராளமான உயிர் பலிகளை வாங்கிக் கொண்டிருக்கிறது. இந்நிலையில் ஐரோப்பிய நாடான ஸ்பெயினில் ஒரே நாளில் மட்டும் 10 ஆயிரத்திற்கும் மேற்பட்டோருக்கு கொரோனா பாதிப்பு உறுதிப்படுத்தப்பட்டுள்ளது. அதனால் அந்நாட்டில் கொரோனாவால் பாதிக்கப்பட்டவர்களின் எண்ணிக்கை 5 லட்சத்தை நெருங்கியுள்ளது.
மேலும் ஒரே நாளில் 184 பேர் உயிரிழந்ததை தொடர்ந்து, தற்போது வரை மொத்தமாக கொரோனாவால் உயிரிழந்தவர்களின் எண்ணிக்கை 29 ஆயிரத்தை எட்டியுள்ளது என அந்நாட்டு சுகாதார துறை கூறியுள்ளது.