பிரபல நடிகர் சூர்யா படத்தின் புதிய அப்டேட் வெளியாகியுள்ளது.
தமிழ் சினிமாவின் உச்ச நட்சத்திரமாக ஜொலிக்கும் நடிகர் சூர்யா வணங்கான் மற்றும் வாடிவாசல் போன்ற திரைப்படங்களில் தற்போது நடித்து வருகிறார். அதோடு சிறுத்தை சிவா இயக்கத்தில் புதிய படம் ஒன்றிலும் நடிப்பதற்கு சூர்யா ஒப்பந்தம் ஆகியுள்ளார். இந்த படத்திற்கு சூர்யா 42 என தற்காலிகமாக பெயர் வைக்கப்பட்டுள்ளது. இந்த படத்தை ஸ்டூடியோ கிரீன் மற்றும் யுவி கிரியேஷன்ஸ் நிறுவனம் சேர்ந்து தயாரிக்க, தேவி ஸ்ரீ பிரசாத் இசையமைக்கிறார். இந்நிலையில் சூர்யா 42 திரைப்படத்தில் பாலிவுட் நடிகை திஷா பதானி ஹீரோயினாக நடிக்க, ஆனந்த்ராஜ், கோவை சரளா, கிங்ஸ்லி, யோகி பாபு முக்கிய வேடங்களில் நடிக்கின்றனர்.
இந்த படத்தின் பூஜை சில தினங்களுக்கு முன்பு நடைபெற்றது. இதனையடுத்து தற்போது படப்பிடிப்பு தொடங்கியுள்ள நிலையில், சூர்யா 42 படம் 10 மொழிகளில் 3டியில் வெளியாகும் என்றும் அறிவிக்கப்பட்டுள்ளது. இப்படத்தின் மோஷன் போஸ்டர் நேற்று வெளியாகி இணையத்தில் வைரல் ஆகி வரும் நிலையில், சூர்யா முக்காட்டார், மண்டாங்கர், வெண்காட்டர் மற்றும் அத்தர் போன்ற பல வேடங்களில் நடிப்பதாகவும் கூறப்படுகிறது. மேலும் நடிகர் சூர்யாவுக்கு ஸ்பெஷல் மேக்கப் டெஸ்ட் மற்றும் போட்டோ சூட்டுகள் நடத்திய பிறகே கதாபாத்திரங்கள் உறுதி செய்யப்பட்டதாகவும் கூறப்பட்டுள்ளது.
