நந்தா, பிதாமகன் திரைப்படங்களை அடுத்து மீண்டுமாக பாலா இயக்கத்தில் வணங்கான் படத்தில் சூர்யா நடித்து வந்தார். எனினும் முதற்கட்ட படப்பிடிப்பு முடிவடைந்த நிலையில், கதையில் தனக்கு போதுமான திருப்தி இல்லாததால் தற்போது அந்த படத்தில் இருந்து அவர் விலகி இருக்கிறார். இந்நிலையில் வணங்கான் திரைப்படத்திற்கு கொடுத்திருந்த அதே கால்ஷீட் இப்போது இயக்குனர் ஹரிக்கு, சூர்யா கொடுத்திருக்கிறார்.
அவர்கள் மீண்டுமாக இணையும் புது படத்தின் அறிவிப்பு விரைவில் வெளியாகும் என கூறப்படுகிறது. முன்பே ஹரி இயக்கத்தில் ஆறு, வேல், சிங்கம் திரைப்படத்தின் 3 பாகங்களில் நடித்துள்ள சூர்யா, பின் அருவா என்ற படத்தில் நடிப்பதாக இருந்தது. அதன்பின் அத்திரைப்படம் டிராப்பான நிலையில், இப்போது மீண்டும் அதில் நடிக்க சூர்யா கால்சீட் கொடுத்திருக்கிறார் என தகவல் வெளியாகியுள்ளது.
இதனால் அருவா திரைப்படத்தின் சூட்டிங் விரைவில் துவங்கும் என கூறப்படுகிறது. மேலும் சூர்யா 2 வேடங்களில் நடிக்கும் அருவா திரைப்படத்தின் நாயகியாக முதலில் ராசிகண்ணா ஒப்பந்தம் செய்யப்பட்ட நிலையில், தற்போது பூஜா ஹெக்டே இப்படத்தில் நடிக்க இருப்பதாக தகவல் வெளியாகியுள்ளது. ஆகவே விரைவில் அருவா திரைப்படம் பற்றிய அதிகாரப்பூர்வ தகவல் வெளியாகவுள்ளது.