ஹர்பஜன் சிங், லாஸ்லியா இணைந்து நடித்துள்ள பிரண்ட்ஷிப் படத்தின் ரிலீஸ் தேதி அறிவிக்கப்பட்டுள்ளது.
விஜய் டிவியில் ஒளிபரப்பான பிக்பாஸ் நிகழ்ச்சியின் மூன்றாவது சீஸனில் போட்டியாளராக கலந்து கொண்டு பிரபலமடைந்தவர் லாஸ்லியா. தற்போது இவர் பிரண்ட்ஷிப், கூகுள் குட்டப்பா போன்ற படங்களில் கதாநாயகியாக நடித்துள்ளார். இதில் ஜான் பால்ராஜ் இயக்கத்தில் உருவாகியுள்ள பிரண்ட்ஷிப் படத்தில் பிரபல கிரிக்கெட் வீரர் ஹர்பஜன் சிங் கதாநாயகனாக நடித்துள்ளார்.
மேலும் ஆக்சன் கிங் அர்ஜுன், சதீஷ், எம்.எஸ்.பாஸ்கர், குக் வித் கோமாளி பாலா உள்ளிட்ட பலர் முக்கிய கதாபாத்திரங்களில் நடித்துள்ளனர். தமிழ், ஹிந்தி, தெலுங்கு, கன்னடம் ஆகிய மொழிகளில் இந்த படம் வெளியாகவுள்ளது. இந்நிலையில் பிரண்ட்ஷிப் படத்தின் ரிலீஸ் தேதி அறிவிக்கப்பட்டுள்ளது. அதன்படி வருகிற செப்டம்பர் 17-ஆம் தேதி இந்த படம் திரையரங்குகளில் வெளியாகவுள்ளது.