ஹவுதி தீவிரவாதிகளின் தாக்குதலை தடுப்பதற்காக அமெரிக்க பைட்டர் ஜெட் விமானங்கள் தயார் நிலையில் இருப்பதாக அமெரிக்க விமானப்படை கமாண்டர் தெரிவித்துள்ளார்.
அமீரகத்தின் தலைநகரான அபுதாபியில் ஹவுதி தீவிரவாதிகளின் தாக்குதலை முறியடிக்க முன்னெச்சரிக்கை நடவடிக்கைகள் எடுக்கப்பட்டுள்ளது. அந்த வகையில் அபுதாபிக்கு அமெரிக்காவின் எப்-22 ரேப்டார் பைட்டர் ஜெட் ரக விமானங்கள் வரவழைக்கப்பட்டுள்ளது. மேலும் அல் தப்ரா விமான நிலையத்தில் 6 ஐந்தாம் தலைமுறை போர்ப்படை விமானங்கள் மற்றும் 2000 அமெரிக்க படையினரும் தயார் நிலையில் உள்ளனர்.
இந்நிலையில் ஹவுதி தீவிரவாதிகள் தாக்குதல் நடத்த முயற்சி செய்வது தெரியவந்தால், அதற்கு முன்னதாகவே செயல்பட்டு ஏவுகணைகள் இடைமறித்து அழிக்கப்படும். இதனை தொடர்ந்து அமெரிக்க விமானப்படையின் கமாண்டர் லெப்டினன்ட் ஜெனரல் கிரேய்க் கில்லட் கூறுகையில் அமீரக ராணுவத்துடன் இணைந்து அமெரிக்க ராணுவத்தின் பைட்டர் ஜெட் விமானங்களுடன் தயார் நிலையில் உள்ளதாக தெரிவித்தார்.