ஸ்ரீராம்சிட்டி-சென்னை ஹாக்கி சங்க சூப்பர் டிவிசன் லீக் சாம்பியன்ஷிப் போட்டி எழும்பூரிலுள்ள மேயர் ராதாகிருஷ்ணன் ஸ்டேடியத்தில் நடைபெற்று வருகிறது. நேற்று நடைபெற்ற ஒரு ஆட்டத்தில் ஏ.ஜி.அலுவலக அணி 5-1 என்ற கோல்கணக்கில் ஸ்டேட் வங்கியை தோற்கடித்தது. ஏ.ஜி.அலுவலக அணியில் ரஞ்சித், சஞ்சய் தலா இரண்டு கோலும், யுவராஜ் 1கோலும் அடித்தனர்.
இதனிடையில் ஸ்டேட் வங்கி அணியில் எழில் அரசன் கோல் அடித்தார். அதன்பின் மற்றொரு ஆட்டத்தில் சென்னை துறைமுக விளையாட்டு கவுன்சில் அணி 5-0 எனும் கோல் கணக்கில் இந்திராகாந்தி கிளப்பை வீழ்த்தியது. துறைமுக அணியில் ரதீஷ் பிரபு 3 கோலும், அன்புமணி, ஜெகநாதன் தலா 1 கோலும் போட்டனர். இன்றைய ஆட்டங்களில் சாய்-எஸ்.டி.ஏ.டி, ஐ. சி. எப்.- தெற்கு ரயில்வே அணிகள் மோதுகிறது..