நடிகர் அல்லு அர்ஜுன் ஹாலிவுட் திரைப்படத்தில் நடிக்க இருப்பதாக தகவல் வெளியாகி உள்ளது.
தெலுங்கு சினிமா உலகில் முன்னணி நடிகராக வலம் வருகின்றார் அல்லு அர்ஜுன். சென்ற வருடம் இயக்குனர் சுகுமார் இயக்கத்தில் அல்லு அர்ஜுன் நடிப்பில் வெளியான திரைப்படம் புஷ்பா. இத்திரைப்படம் வெளியாகி ரசிகர்கள் இடையே நல்ல வரவேற்பை பெற்று மாபெரும் வெற்றி பெற்றது. மேலும் கதாநாயகியாக ராஷ்மிகா மந்தனா நடித்திருந்தார். இத்திரைப்படம் தமிழ், ஹிந்தி, மலையாளம், கன்னடம் உள்ளிட்ட மொழிகளில் வெளியாகி ரூபாய் 350 கோடி வரை வசூல் செய்தது.
செம்மரக்கட்டை கடத்தலை மையமாக கொண்டு எடுக்கப்பட்ட இத்திரைப்படத்தின் இரண்டாம் பாகம் எடுக்கப்பட்டு வருகின்றது. இதில் அல்லு அர்ஜுன் நடித்து வருகின்றார். இந்த நிலையில் அல்லு அர்ஜுன் ஹாலிவுட் திரைப்படத்தில் நடிக்க இருப்பதாக சொல்லப்படுகின்றது அதற்காக பிரபல பாலிவுட் இயக்குனர் ஒருவரை சந்தித்து ஹாலிவுட் திரைப்படத்தில் நடிப்பது குறித்து அல்லு அர்ஜுன் பேச்சு வார்த்தை நடத்தியதாக சொல்லப்படுகின்றது மேலும் இது குறித்து அதிகாரப்பூர்வ அறிவிப்பு விரைவில் வெளியாகும் என செய்தி வெளியாகியுள்ளது.