ஹிப்ஹாப் ஆதி நடிப்பில் உருவாகியுள்ள சிவகுமாரின் சபதம் படத்தின் டிரைலர் வெளியாகியுள்ளது.
தமிழ் திரையுலகில் விஷால் நடிப்பில் வெளியான ஆம்பள படத்தின் மூலம் இசையமைப்பாளராக அறிமுகமானவர் ஹிப்ஹாப் ஆதி. இதை தொடர்ந்து இவர் தனது வாழ்க்கை கதையை மையமாக வைத்து மீசைய முறுக்கு என்ற படத்தை இயக்கி நடித்தார். இந்த படம் ரசிகர்களிடையே நல்ல வரவேற்பை பெற்றது. இதன்பின் இவர் நடிப்பில் நட்பே துணை, நான் சிரித்தால் ஆகிய படங்கள் வெளியாகியிருந்தது . தற்போது ஹிப்ஹாப் ஆதி நடிப்பில் அன்பறிவு, சிவகுமாரின் சபதம் ஆகிய படங்கள் உருவாகி வருகிறது .
இந்த இரண்டு படங்களையும் சத்யஜோதி பிலிம்ஸ் நிறுவனம் தயாரித்துள்ளது. இதில் சிவகுமாரின் சபதம் படத்தை ஹிப்ஹாப் ஆதியே இயக்கி நடித்துள்ளார். இந்த படத்தில் மாதுரி கதாநாயகியாக நடித்துள்ளார். இந்நிலையில் சிவகுமாரின் சபதம் படத்தின் அசத்தலான டிரைலர் வெளியாகி ரசிகர்களை வெகுவாக கவர்ந்து வருகிறது. மேலும் இந்த படம் வருகிற செப்டம்பர் 30-ஆம் தேதி தியேட்டர்களில் ரிலீஸாக உள்ளது குறிப்பிடத்தக்கது.