நடிகர் அஜித் வலிமை திரைப்படத்திற்குப் பின் இப்போது எச்.வினோத் இயக்கத்தில் போனி கபூர் தயாரிப்பில் உருவாகிவரும் “ஏ.கே. 61” படத்தில் நடித்து வருகிறார். ஹைதராபாத், விசாகப்பட்டினம், சென்னை, புனே என பல இடங்களில் இப்படத்தின் படப்பிடிப்பு மும்முரமாக நடந்து வருகிறது. இவற்றில் மஞ்சுவாரியர், சமுத்திரக்கனி, ஜி.எம்.சுந்தர், மகாநதி சங்கர், ஜான் கொக்கன் போன்றோர் முக்கிய கதாப்பாத்திரங்களில் நடிக்கின்றனர்.
இந்த படத்தின் அப்டேட் வெளியாகவில்லை என்றாலும், படத்தின் மீதான எதிர்பார்ப்பு ரசிகர்கள் மத்தியில் அதிகரித்து கொண்டே இருக்கிறது. அண்மையில் நடிகர் அஜித், அவரது நண்பர்கள் மற்றும் நடிகை மஞ்சுவாரியருடன் இணைந்து லடாக்கில் சுற்றுப் பயணம் மேற்கொண்டார். இந்த நிலையில் அஜித் ஹெலிகாப்டரில் பயணம் மேற்கொள்ளும் வீடியோகளும், புகைப்படங்களும் சமூகவலைதளத்தில் வைரலாகி வருகிறது. அத்துடன் ஏகே 61 படப்பிடிப்பு செப்டம்பர் மாதம் 15ம் தேதி முதல் தொடங்கும் என தகவல் வெளியாகி இருக்கிறது.
