ஹைதராபாத்தில் நடைபெற்ற பார்ட்டியில் போலீசார் ரெய்டில் ஈடுபட்டபோது போதைப்பொருட்கள் கண்டெடுக்கப்பட்டு பிரபலங்கள் பலரும் கைது செய்யப்பட்டுள்ளனர்.
ராகுல் ஹைதராபாத் பார்ட்டியில் கலந்துகொண்ட போது போலீசார் திடீரென சோதனையில் ஈடுபட்டபோது போதைப்பொருட்கள் கண்டெடுக்கப்பட்டது. இதனால் பார்ட்டியில் கலந்து கொண்ட நடிகை நிஹாரிகா, பிக்பாஸ் டைட்டில் வின்னர் ராகுல் உள்பட 144 பேரை போலீசார் அதிரடியாக கைது செய்துள்ளனர்.
இந்நிலையில் இதுகுறித்து ராகுல் விளக்கம் அளித்தபோது கூறியுள்ளதாவது, இரவு 11.30 மணியளவில் என் குடும்பத்தாருடன் அந்த பார்டிக்கு சென்றேன். இரவு 2 மணியளவில் போலீஸார் வந்தார்கள். நான் எந்த போதை பொருளையும் பயன்படுத்த வில்லை என்றேன் என கூறியுள்ளார். போதையில்லா ஹைத்ராபாத் என்கிற விழிப்புணர்வு நிகழ்ச்சிக்காக பாடல் பாடிய ராகுல் போலீசாரின் அந்த விழிப்புணர்வு நிகழ்ச்சியில் ஒரு பங்கான பலரும் சிக்கியது அதிர்ச்சி அடைய செய்துள்ளது. நடிகை நிஹாரிகா சிரஞ்சீவியின் தம்பியான நடிகர் நாகா பாபுவின் மகள் என்பது குறிப்பிடத்தக்கது.