பொங்கல் பண்டிகைக்கு 4 படங்கள் ரிலீஸ் செய்ய படகுழுவினர் முடிவு;
தற்போது கொரோனா பிரச்சனை காரணமாக தீபாவளி பண்டிகையில் பெரிய பட்ஜெட் படங்களை திரைக்கு கொண்டு வர தயங்குகின்றனர்.
ஏனெனில் தியேட்டர்களில் சமூக இடைவெளி மற்றும் பாதிப்பேருக்கு மேல் டிக்கெட் கொடுக்க கூடாது என்ற கட்டளை போன்ற பல காரணங்களால் பின் வாங்கி வருகின்றனர். தெலுங்கானா மாநிலத்தில் சில தினங்களுக்கு முன்பு மீண்டும் தியேட்டர் திறந்த போது தியேட்டரில் 5 பேர் மட்டும் படம் பார்க்க வந்துள்ளனர். இதனால் மீண்டும் தியேட்டரை மூடி உள்ளனர். இதன் காரணமாக பெரிய நடிகர்களின் படங்கள் தீபாவளி பண்டிகைக்கு பதிலாக பொங்கல் பண்டிகை குறிவைத்துள்ளன.
நடிகர் விஜய்யின் மாஸ்டர் படம் பொங்கலுக்கு ரிலீஸ் செய்ய திட்டமிட்டு உள்ளனர். நடிகர் கார்த்தி நடிப்பில் சுல்தான் படப்பிடிப்பு சமீபத்தில் முடிந்த நிலையில் இந்த படத்தையும் பொங்கலுக்கு ரிலீஸ் செய்ய படக்குழுவினர் முடிவெடுத்துள்ளனர். மேலும் பிரபுசாலமன் இயக்கத்தில் விஷ்ணு ,விஷால் ஆகியோர் நடித்துள்ள படம் பொங்கலுக்கு வெளியாகும் என அதிகாரப்பூர்வமாக தெரிவித்துள்ளனர். இதேபோல சுசீந்திரன் இயக்கத்தில் சிம்பு நடித்த படமும் பொங்கலுக்கு வெளியாகலாம் என எதிர்பார்க்கப்படுகின்றது.