நடிகர் விஜய் சேதுபதி நடத்தி வரும் தொண்டு நிறுவனத்தால் 1 லட்சம் பேருக்கு வேலைவாய்ப்பு கிடைத்துள்ளது.
திரையுலகில் பிரபலமான நடிகர்களில் விஜய் சேதுபதியும் ஒருவராக வலம் வருகிறார். இவர் ஹீரோவாக மட்டும் நடிக்காமல் வில்லன், குணச்சித்திர வேடம் போன்ற கதாபாத்திரங்களையும் ஏற்று சிறப்பான நடிப்பை வெளிப்படுத்தி வருகிறார். இதன் காரணமாக விஜய் சேதுபதிக்கு ஏராளமான ரசிகர்கள் இருக்கின்றனர். இந்நிலையில் விஜய் சேதுபதி ரஜினி, விஜய், கமல் போன்ற பிரபல நடிகர்களுடன் நடித்து வருகிறார். இவர் நடிகர் கமலுடன் நடித்து வரும் விக்ரம் படம் வருகிற ஜூன் மாதம் திரைக்கு வரவிருக்கிறது.
மேலும் விஜய் சேதுபதி ஒரு நல்ல நடிகர் என்பதையும் தாண்டி, சிறந்த மனிதர் என்றே கூறலாம். இவர் மேடைகளிலும், ரசிகர்களிடமும் மிகவும் இயல்பாகவும் எளிமையாகவும் நடந்து கொள்வார். இந்நிலையில் விஜய் சேதுபதி குறித்த ஒரு முக்கிய தகவல் வெளிவந்துள்ளது. அதாவது விஜய் சேதுபதி கடந்த 3 வருடங்களுக்கு முன்னால் ஒரு தொண்டு நிறுவனத்தை ஆரம்பித்து நடத்தி வருகிறார். இந்த தொண்டு நிறுவனத்தின் மூலமாக 1 லட்சத்திற்கும் அதிகமானோர் வேலை வாய்ப்பை பெற்றுள்ளனர். இதை கேள்விப்பட்ட ரசிகர்கள் விஜய் சேதுபதிக்கு வாழ்த்துகளை தெரிவித்து வருகின்றனர்.